歡迎您!滿$400包送貨自取點(特別物品除外)。立即前往了解!

5分鐘揀好奶泵喇叭尺寸!

挑選奶泵一d都唔容易,媽媽們除左要根據價錢,力度,口碑挑選外,原來仲有樣好緊要o既野要做:就係挑選喇叭Size!

如下圖咁,最左邊太緊o既喇叭會令到媽媽泵奶時感到疼痛;但最右邊太鬆又會漏奶,真係聽到都頭痕😅

 

 

究竟點樣先可以挑選到中間最合適自己o既喇叭size?等熊孩兒同各位媽媽簡單講解下啦~

首先我地睇睇下面幅圖先

Areola 係乳暈部分,Nipple 係乳頭。而如果我地要搵出適合o既喇叭尺寸,我地需要量度乳頭 (Nipple)直徑o既尺寸 (記住係乳頭,唔係乳暈o既size~)。

工具方面,一把軟尺/硬呎就可以,然後我地好似下圖咁量度就可以。

建議媽媽們好似圖中咁打橫度會容易d望到,同埋用透明尺量度都會更容易睇得清楚。

 量度完後,就要睇睇你分娩未啦~

如果您已經分娩,就係量度o既數字上加4~6mm左右

如果您未分娩,就係量度o既數字上加8~10mm左右 

例如,您度到自己乳頭(Nipple)尺寸係19mm,而您已經分娩,您就要加4~6mm。加完後大概係23~25mm,即係你要用24mm喇叭啦~

而假設您未分娩,您度到自己乳頭(Nipple)尺寸係22mm,您就要加8~10mm。

30~32mm,即係你要用30mm喇叭啦~ 

 

 記得係挑選喇叭尺寸方面一定要認真去做,如果你有朋友唔明點量度記得叫佢睇我地呢篇簡易教學❤️

我量度到合適尺寸了,我要瀏覽Youha產品

我都係有d唔明,想問多少少

發表留言

請注意,留言須先通過審核才會發佈